640470-sarfrazbatweb-1478067637-159-640x480

شارجہ ٹیسٹ کا چوتھا روز؛ پاکستان کی دوسری اننگ میں بیٹنگ

640470-sarfrazbatweb-1478067637-159-640x480شارجہ: تین ٹیسٹ میچوں کی سیریز کے آخری ٹیسٹ میں پاکستان کے 281 رنز کے جواب میں ویسٹ انڈیز کی پوری ٹیم پہلی اننگز میں 337 رنز بنا کر آؤٹ ہوگئی جب کہ قومی ٹیم کی دوسری اننگز میں بیٹنگ جاری ہے۔
شارجہ کرکٹ اسٹیڈیم میں کھیلے جا رہے تیسرے ٹیسٹ میچ کے چوتھے روز پاکستان کی دوسری اننگز میں بیٹنگ جاری ہے اور قومی ٹیم نے 4 وکٹوں کے نقصان پر 97 رنز بنا لئے ہیں اور قومی ٹیم کی مجموعی برتری 41 رنز ہو گئی۔ سرفراز احمد اور اظہر علی وکٹ پر موجود ہیں۔ اظہر علی 45 اور سرفراز احمد 29 رنز کے ساتھ وکٹ پر موجود ہیں۔
تیسرے روز پاکستان کے 281 رنز کے جواب میں ویسٹ انڈیز کی پوری ٹیم پہلی اننگز میں 337 رنز بناکر آؤٹ ہوگئی اور یوں انہیں پاکستان پر 56 رنز کی برتری حاصل ہوئی تاہم دوسری اننگز میں پاکستانی بیٹنگ لائن لڑکھڑاگئی اور 50 رنز سے پہلے ہی ٹاپ آرڈر کے 4 بیٹسمین پویلین لوٹ گئے۔ اظہر علی اور سمیع اسلم نے اننگز کا آغاز کیا تو سمیع اسلم 17 رنز بنا کر آؤٹ ہوئے جس کے بعد اس شفیق اور یونس خان کھاتا کھولے بغیر پویلین لوٹ گئے، کپتان مصباح الحق نے غیر ذمہ داری کا مظاہرہ کرتے ہوئے چھکا مارنے کی کوشش میں اپنی وکٹ 4 رنز پر گنوا دی۔ اظہر علی نے سرفراز احمد کے ساتھ ملکر پانچویں وکٹ کے لیے 39 رنز بنائے، تیسرے روز کھیل کے اختتام پر اظہر علی 45 اور سرفراز 19 رنز کے ساتھ وکٹ پر موجود تھے۔
اس سے قبل جب ویسٹ انڈیز نے کھیل کا آغاز کیا تو کریگ برتھ ویٹ 95 اور جیسن ہولڈر 6 رنز کے ساتھ وکٹ پر موجود تھے لیکن کوئی بھی بیٹسمین خاطر خواہ کارکردگی نہ دکھا سکا اور پوری ٹیم 337 رنز پر آوٹ ہوگئے تاہم برتھ ویٹ 142 رنز پر ناقابل شکست رہے۔ ویسٹ انڈیز کی جانب سے روسٹن چیز 50 اور شین ڈورچ نے 47 رنز بنائے جب کہ پاکستان کی جانب سے وہاب ریاض نے 5، محمد عامر نے 3 اور یاسر شاہ اور ذوالفقار بابر نے ایک ایک وکٹ حاصل کی۔
اس خبر کو بھی پڑھیں: پاکستان نے ٹیسٹ سیریز جیت لی
قبل ازیں پاکستان کی پوری ٹیم پہلی اننگز میں 281 رنز بناکر آؤٹ ہوگئی تھی۔ قومی ٹیم کی جانب سے سمیع اسلم 74 ،کپتان مصباح الحق 53، یونس خان اور سرفراز احمد 51، 51 رنزبنا کر آؤٹ ہوئے۔ ویسٹ انڈیز کی جانب سے دوندرا بشو نے 4، شینن گبریل نے 3 اور روسٹن چیز نے ایک وکٹ حاصل کی۔
واضح رہے کہ تین ٹیسٹ میچوں کی سیریز میں پاکستان کو ویسٹ انڈیز پر 2 صفر کی واضح برتری حاصل ہے اور اگر پاکستان تیسرا ٹیسٹ بھی جیتنے میں کامیاب ہو جاتا ہے تو ٹی ٹوئنٹی اور ون ڈے کے بعد ٹیسٹ میں بھی ویسٹ انڈیز کو وائٹ واش کرنے میں کامیاب ہو جائے گا۔




Leave a Reply

Your email address will not be published. Required fields are marked *