صبا قمر اور عظیم سجاد کی فلم ’’8969‘‘ سنسر بورڈ سے پاس

661982-movie-1479953610-282-640x480لاہور: اداکارہ صبا قمر اور عظیم سجادکی فلم ’’8969‘‘مر کزی فلم سنسر بورڈ اور پنجاب فلم سنسر بورڈ نے پاس کردی۔
مذکورہ فلم کوعام نمائش کے لیے موزوں قراردیتے ہوئے اسے سرٹیفکیٹ جاری کردیا گیا۔ فلم کے پروڈیوسر اے جے خان اور مصنف و ہدایتکارعظیم سجاد ہیں۔ فنکاروں میں اد اکارہ صبا قمراورعظیم سجاد کے علاوہ حسین ٹوانہ، صدف حمید، حسیب خان، سماشاہ، عون سرور، انعم ملک، سنی خان، زنیرہ ماہم، نورالحسن، نور کبیر اور دیگر شامل ہیں۔
فلم کی نمائش 2 دسمبر کرنے کا اعلان کیا گیا ہے۔ فلمسازنے بتایاکہ یہ خالص پاکستانی فلم ہے جس کی موسیقی سے لے کرپوسٹ پروڈکشن تک پاکستان میں کرائی گئی ہے۔ یہ ایک تفریحی فلم ضرورہے لیکن اس میں اصلاحی پہلو کو نمایاں کیا گیا ہے۔
موضوع کے اعتبار سے یہ ایک گھر گھر کی کہانی ہے جس میں نئی نسل کے سوشل میڈیا کا منفی استعمال کی حوصلہ شکنی کی گئی ہے۔ فلم کا مقصد تفریح کے ذریعے نوجوانوں کی اصلاح کرنا ہے۔ انکا کہنا تھا کہ میںپرامیدہوں کہ فلم بین اسے سراہیں گے۔




Leave a Reply

Your email address will not be published. Required fields are marked *