ڈی جی خان میں آپریشن کے دوران رینجرز اہلکار شہید، 5 دہشت گرد ہلاک

787771-punjabrangersweb-1491717280-255-640x480ڈی جی خان: آئی ایس پی آر کے مطابق دہشت گردوں کے خلاف آپریشن رد الفساد کے تحت ملک بھر میں سیکیورٹی فورسز کی کارروائیاں جاری ہیں اور ایسی ہی ایک کارروائی میں دہشت گردوں سے مقابلے کے دوران ایک رینجرز اہلکار شہید جب کہ فائرنگ کے تبادلے کے دوران 5 دہشت گرد بھی مارے گئے۔
پاک فوج کے شعبہ تعلقات عامہ ( آئی ایس پی آر ) کے مطابق ڈی جی خان کے قبائلی علاقوں میں رینجرز اور حساس اداروں کی جانب سے انٹیلی جنس بنیادوں پر آپریشن کیا گیا اور اس دوران ملزمان نے سیکیورٹی اہلکاروں پر فائرنگ کر دی جس کے نتیجے میں ایک رینجرز اہلکار کامران شہید ہو گیا جب کہ فورسز کی جوابی کارروائی میں 5 دہشت گرد ہلاک اور متعدد زخمی ہو گئے۔
اس خبرکوبھی پڑھیں: ڈی جی خان میں رینجرز کی گاڑی پرفائرنگ
آئی ایس پی آر کا کہنا ہے کہ واقع کے بعد سیکیورٹی فورسز کی مزید نفری کو بھی طلب کر کے علاقے کا محاصرہ کر لیا گیا اور جرائم پیشہ افراد کے خلاف آپریشن کا دائرہ کار بڑھا دیا گیا ہے۔
اس خبرکوبھی پڑھیں: ڈی جی خان میں رینجرزکا سرچ آپریشن، 5 دہشتگرد ہلاک




Leave a Reply

Your email address will not be published. Required fields are marked *