809322-trumpmehmood-1493842185-606-640x480

ڈونلڈ ٹرمپ کا فلسطین اور اسرائیل کے درمیان امن مذاکرات بحال کرانے کا وعدہ

امریکی صدر ڈونلڈ ٹرمپ نے فلسطین اور اسرائیل کے درمیان معطل ہونے والے امن مذاکرات کو دوبارہ بحال کرانے کا وعدہ کیا ہے۔

غیرملکی خبررساں ادارے کے مطابق فلسطینی صدر محمود عباس نے وائٹ ہاؤس میں امریکی صدر ڈونلڈ ٹرمپ سے ملاقات کی جس میں دونوں ممالک کے صدور نے فلسطین اور اسرائیل کے تنازع سمیت دیگر امور پر تبادلہ خیال کیا۔ بعدازاں مشترکہ پریس کانفرنس کرتے ہوئے صدر ڈونلڈ ٹرمپ نے وعدہ کیا کہ وہ اسرائیل اور فلسطین کے درمیان معطل مذاکرات کو دوبارہ بحال کرائیں گے جب کہ محمود عباس فلسطین کے واحد نمائندہ سربراہ ہیں جنہوں نے دونوں ملکوں کے درمیان اور خطے میں امن ، استحکام، خوشحالی اور سلامتی کے لئے انتہائی اہم امن معاہدے پر دستخط کئے ہیں۔

دونوں صدور کی جانب سے امن معاہدے کی تفصیلات نہیں بتائی گئیں تاہم ڈونلڈ ٹرمپ کا کہنا تھا کہ مجھے امید ہے کہ فلسطینی اور اسرائیلی معاہدہ چاہتے ہیں جب کہ فلسطین و اسرائیل سے متعلق ہمیشہ سنا تھا کہ ان دونوں ممالک کے درمیان کوئی بھی معاہدہ طے پانا انتہائی مشکل عمل ہوتا ہے تاہم ہم اس خیال کو غلط کر کے دکھائیں گے۔




Leave a Reply