میڈرڈ اوپن؛ یوجینی بوچارڈ نے ماریا شراپووا کا بوریا بستر گول کر دیا

کینیڈین ٹینس اسٹار یوجینی بوچارڈ نے دوسرے راﺅنڈ میں ماریا شراپووا کا بوریا بستر گول کر دیا۔
بوچارڈ نے ڈوپنگ کیس میں 15 ماہ کی معطلی کے بعد واپس آنے والی شراپووا پر شدید تنقید کرتے ہوئے انہیں ”چیٹر“ کہا تھا، ویمنز سنگلز کے دوسرے راﺅنڈ میں روسی اور کینیڈین پلیئر کے درمیان سخت مقابلہ ہوا تاہم بوچارڈ نے مقابلہ 2-1 سے اپنے نام کر لیا۔ میچ کا اسکور 7-5، 2-6 اور 6-4 رہا۔
اس خبر کو بھی پڑھیں : سرینا ولیمز دوبارہ ٹاپ پوزیشن پر براجمان
میچ کے بعد گفتگو کرتے ہوئے بوچارڈ نے کہا کہ بہت سی پلیئرز میچ سے قبل مجھے علیحدگی میں ملیں اور نیک خواہشات کا اظہار کیا، ان میں ایسی پلیئرز بھی شامل تھیں جن سے میں عام طور پر بات بھی نہیں کرتی، جس سے میرا حوصلہ بلند ہوا۔ مجھے مداحوں کی جانب سے بھی خیرسگالی کے پیغامات ملے جس سے مجھے پتہ چلا کہ اکثر لوگ میرے ہم خیال ہیں۔ میں یہ میچ اپنے لیے اور ان مداحوں کیلیے بھی جیتنا چاہتی تھی۔ یوجینی بوچارڈ کا تیسرے راﺅنڈ میں سخت حریف اینجلیک کیربر سے سامنا ہو گا۔




Leave a Reply

Your email address will not be published. Required fields are marked *