819259-baram-1494917918-529-640x480

بھارت میں مالی بے ضابطگیوں پر سابق وزیر خزانہ چدم برم کے گھر پر چھاپہ

منی لانڈرنگ کے الزام پر بھارت کے سابق وزیر داخلہ چدم برم اور ان کے بیٹے کے گھروں پر سی بی آئی نے چھاپے مارے ہیں۔
بھارت کے وفاقی تحقیقاتی ادارے سینٹرل بیورو آف انویسٹی گیشن بیورو کے اہلکاروں نے ملک میں کی گئی غیر ملکی سرمایہ کاری میں بڑے پیمانے پر مجرمانہ بے ضابطگیوں کی تحقیقات کے دوران کانگریس دور کے وزیر خزانہ پی چدم برم اور ان کے بیٹے کرتی کے گھروں سمیت مختلف شہروں میں 17 مقامات پر چھاپے مارے ہیں۔
سی بی آئی سابق وزیر اعظم من موہن سنگھ کے دور میں بھارتی ٹیلی کمیونی کیشن کمپنی ایئر سیل اور ملائیشین ادارے میکسز گروپ کے درمیان ہونے والے مالی معاہدے اور بھارت کے نامور الیکٹرانک میڈیا گروپ آئی این ایکس نیوز کو سرمایہ کاری کی مد میں ملنے والی رقم کی تحقیقات کررہی ہے۔ یہ دونوں واقعات من موہن سنگھ کی وزارت عظمیٰ کے دوران ہوئے تھے اور حکومت نے ان پیشکشوں کو کلیئر قرار دیا تھا۔




Leave a Reply