بگ تھری؛ بھارتی دعوے کا ایک اور پول کھل گیا

بگ تھری کے حوالے سے بھارتی دعوے کا ایک اور پول کھل گیا۔
آئی سی سی کی جانب سے نئے فنانشل ماڈل کی تجویز سامنے آنے کے بعد سے ہی بھارت نے شور مچایا ہوا تھا کہ اس کے حصے میں 570 ملین ڈالر آتے تھے جس میں بہت زیادہ کٹوتی کردی گئی،وہ کسی بھی صورت میں اپنے حق سے دستبردار نہیں ہوگا۔
بی سی سی آئی کی جانب سے یہ تاثر دیا جا رہا تھا کہ بڑی رقم اسے ملنے والی تھی جو اب نہیں دی جا رہی، مگر اسی کے ملک سے تعلق رکھنے والے آئی سی سی چیئرمین ششانک منوہر نے انکشاف کیاکہ 2014 میں جس بگ تھری فارمولے کی منظوری دی گئی وہ کبھی حقیقت بنا ہی نہیں تھا، اس پر عملدرآمد 2016 میں شروع ہونا تھا مگر جب میں چیئرمین بنا تو ممبران کی اکثریت نے اس کی مخالفت کردی جس کے باعث کبھی عمل ہوہی نہیں سکا۔




Leave a Reply

Your email address will not be published. Required fields are marked *