وزیراعظم کی پیشی‘ ملک میں نئی تاریخ رقم ہورہی ہے، مریم اورنگزیب

وزیر مملکت اطلاعات و نشریات مریم اورنگزیب نے کہا ہے کہ وزیراعظم ہاؤس نے سمن وصول کر لیا ہے جس میں وزیراعظم نواز شریف کو جے آئی ٹی میں بلایا ہے۔
مریم اورنگزیب نے کہا ہے کہ وزیراعظم کے جے آئی ٹی کے سامنے پیش ہونے کے فیصلے سے ملک میں ایک نئی تاریخ رقم ہورہی ہے۔ صرف نعرے بازی اور بیانات نہیں بلکہ قانون اور آئین کی عملی تصویر وزیراعظم جمعرات کوپیش کریں گے۔ وزیراعظم اور شریف خاندان کو جے آئی ٹی پر تحفظات تھے۔ اس کے باوجود وہ3 نسلوں کا جواب دے رہے ہیں۔
وزیر اطلاعات و نشریات کا کہنا تھا کہ وزیراعظم نے دونوں بچوں کونان ریذیڈنٹ ہونے کے باوجود آئین اور قانون کی پاسداری کا حکم دیا اور وہ جے آئی ٹی میں پیش ہوئے۔ پہلے جب کبھی سپریم کورٹ نے لوگوں کو پیش ہونے کیلیے کہا توکسی نے کبھی بیماری اور کبھی سیکیورٹی خطرات کا بہانہ بنایا۔ کچھ لوگوں کو اور بھی بڑے مسائل ہوگئے اور وہ پیش نہیں ہوئے۔ وزیراعظم نے سمن سے پہلے سپریم کورٹ کو خود خط لکھ کر کمیشن یا جے آئی ٹی بنانے کی تجویز دی تھی۔




Leave a Reply

Your email address will not be published. Required fields are marked *