سچن کے بیٹے نے انگلش وکٹ کیپر جونی بیئراسٹو کو زخمی کردیا

بھارت کے سابق مایہ ناز بلے باز سچن ٹنڈولکر کے بعد اب ان کے بیٹے 17 سالہ ارجن ٹنڈولکر نے بھی اپنی کارکردگی کے جوہر دکھانے شروع کر دیے ہیں تاہم فرق صرف اتنا ہے کہ ٹنڈولکر بولرز کی پٹائی کرتے تھے اور ارجن اپنی تیز رفتار بالنگ سے بلے بازوں کو پریشان کر رہے ہیں۔

برطانوی اخبار کی رپورٹ کے مطابق ایسا ہی ایک واقعہ گزشتہ روز لارڈز میں پریکٹس سیسشن کے دوران پیش آیا جہاں سچن ٹنڈولکر کے بیٹے ارجن انگلینڈ کی قومی کرکٹ ٹیم کے کھلاڑیوں کے ساتھ پریکٹس کر رہے تھے۔ ارجن گیند کرانے کے لیے تیار تھے اور ان کا سامنا انگلینڈ کے وکٹ کیپر بلے باز جونی بیئراسٹو کر رہے تھے تاہم ارجن ٹنڈولکر کی تیز رفتار یارکر بیئراسٹو کے بائیں پاؤں میں لگی جس کی وجہ سے انہیں نیٹ پریکٹس ادھوری چھوڑنی پڑی۔




Leave a Reply

Your email address will not be published. Required fields are marked *